O xoves 1 de marzo celebrouse o Concurso de talentos solidarios organizado polo CIFP Compostela. A organización do concurso seleccionou á nosa Asociación xunto a outras dúas entidades como posibles beneficiarias de todo o recadado nesta actividade solidaria. O acto consistiu na actuación dun elevado número de talentos, así como na presentación e difusión do traballo que as entidades seleccionadas levamos a cabo.
Para a nosa sorpresa, CentinELAS foi a entidade elixida para recibir este talentoso premio e non podemos estar máis felices!
Querémoslle dar as grazas á organización desta iniciativa solidaria, a todo o público alí presente e á excelente parella de gañadores Edu e Pedro Alonso por pensar en nós. Tamén queremos darlle os nosos parabéns á Escola Camilo José Cela e á Asociación Integral de Rescate en Emergencias polo importante labor que desenvolven. Foi un orgullo compartir cartel convosco.
You must be logged in to post a comment.