Varias usuarias que están a participar nos itinerarios personalizados de inclusión social, subvencionados pola Xunta de Galicia e cofinanciados polo Fondo Social Europeo, realizaron prácticas formativas non laborais coa finalidade de acadar competencias profesionais nunha contorna real de traballo, e aumentar así as súas posibilidades insertarse laboralmente.
Con motivo da realización destas prácticas, programamos unhas sesións formativas que tiveron como finalidadade ofrecerlles unhas pautas básicas do traballo específico a desenvolver, así como asesoramento relacionado con hábitos e habilidades laborais transversais.
Somos conscientes de que deron o mellor de si nesta experiencia, e agardamos que pronto se vexan os seus froitos.
You must be logged in to post a comment.