O programa “100% Muller 2018”, subvencionado pola Secretaría Xeral da Igualdade e cofinanciado polo Fondo Social Europeo diríxese a mulleres en situación de especial vulnerabilidade con crianzas de 0 a 3 anos, e contempla a prestación dos seguintes servizos:
- Servizo de atención social e información sobre recursos.
- Servizo de mediación familiar.
- Servizo de atención psicolóxica.
- Servizos de orientación laboral e acompañamento na busca de emprego.
A maiores das atencións individualizadas o programa contempla a realización de dous obradoiros grupais complementarios:
“Bico de nai” que ten como finalidade potenciar o vínculo nai-crianza, e no que se abordarán os seguintes contidos:
- Fortalecemento do vínculo a través do xogo
- A xestión dos ciumes entre irmáns
- Control de esfínteres
- Alimentación saudable e elaboración de pratos
- Acceso seguro dos menores ás novas tecnoloxías
- Fomento da lectura a idades temperás
- As relacións coa escola
”Obradoiro de transición cara o emprego” no que se abordarán os seguintes módulos:
- Situación de partida e análise DAFO
- A transición da maternidade ao emprego
- A conciliación laboral e familiar
- Panorama laboral actual
- Actividades prácticas para a busca de emprego.
You must be logged in to post a comment.